சினேகிதி செப்டம்பர் 2003 இதழில் வெளியானது
‘உப்பு போட்டு சாப்பிட்டால்தான்
சுரணை வரும்’ என்றும், ‘உப்பிட்டவரை உள்ளளவும் நினை’ என்றும் எத்தனை பெருமைகள்
உப்புக்கு. அந்த உப்பு சமையலுக்கு மட்டுமன்றி நமக்குப் பலவிதங்களிலும் உதவியாக
இருக்கிறது.
·
இரும்பு தோசைக்கல்லில் தோசை எடுபடவில்லையெனில் ½
டீஸ்பூன் உப்பைப் போட்டு அதில் எண்ணெய் விட்டு கல் சூடானதும், அந்த உப்பைக் கல்
முழுவதும் நன்கு தேய்த்துவிட்டு, பின் தோசை வார்த்தால் பட்டு பட்டாக வரும்.
·
பல் ஈறுகளில் வலி, ரத்தம் கசிந்தால் அவற்றில் உப்பைத்
தடவித் தேய்த்தால் வலி குறையும்.
·
உங்கள் ஆடைகளில் ரத்தக் கறை பட்டுவிட்டால், உடன் அந்த
இடத்தில் உப்பு பொடி தூவி ஊற வைத்து பின் சோப்பைப் போட்டு அலசினால் கறை நீங்கி
விடும்.
·
தேங்காய் மூடி, எலுமிச்சை மூடியில் சிறிது உப்பு தடவி
வைத்தால் வெளியில் வைத்தாலும் வீணாகாது.
·
வெள்ளைத் துணிகள் துவைத்து அலசும் சமயம் சிறிது உப்பு
சேர்த்த நீரில் அலசினால் துணிகள் பளிச்சிடும்.
·
மெழுகுவர்த்தி நீண்ட நேரம் எரிய அதன் கீழ் உப்புப்
பொடி தூவி நிறுத்தி வைக்கவும்.
·
தொண்டைக் கட்டு, கரகரப்பிற்கு வெந்நீரில் உப்பு
போட்டு கொப்பளிக்கவும், உடன் தொண்டை சரியாகும்.
·
சிறு குழந்தைகளின் அஜீரணம் சரியாக, ஒரு பல் பூண்டு,
சிட்டிகை உப்பு, ¼ டீஸ்பூன் ஓமம் சேர்த்து நைஸாக அரைத்து வடிகட்டிக் கொடுக்கவும்.
·
மிளகாய் வற்றல் வறுக்கும்போது 2 கல் உப்பைச் சேர்த்து
வறுத்தால் அதிகம் கமறாது. மிளகாய் வற்றலும் கருகாது.
·
ஈக்களின் தொல்லையா? உப்புக் கரைத்த நீரைத் தெளித்தால்
ஓடிவிடும்!
·
எந்த இனிப்பு செய்தாலும் அவற்றுடன் சிட்டிகை உப்பு
சேர்த்தால் தித்திப்பை எடுத்துக் காட்டும்.
·
பித்தளை, செப்புப் பாத்திரங்களில் பொட்டுப் பொட்டாக
கறையா? டோண்ட் ஒர்ரி! உப்பையும், புளியையும் சேர்த்துத் தடவி ½ மணி ஊரவிட்டுத்
தேய்த்தால் பளிச்சென்றாகிவிடும்.
·
தேள்கடிக்கு துளசிச் சாற்றுடன் உப்பு கலந்து
கடிவாயில் தடவ உடனடி குணம் கிடைக்கும்.
·
காதில் எறும்பு மற்றும் சிறிய பூச்சிகள்
சென்றுவிட்டால், சிறிது உப்பு நீரை விட்டு காதைக் குலுக்கி, காதைச் சாய்த்து நீரை
வெளியேற்றினால் அவை வெளி வந்துவிடும்.
·
பாதவலிக்கு உப்பு கலந்த வெதுவெதுப்பான நீரில் ¼ மணி
நேரம் பாதங்களை வைத்து அமர்ந்தால் வலி குறையும், பாதம் சுத்தமாகி பளிச்சிடும்.
கருத்துகள் இல்லை:
கருத்துரையிடுக